Алабуга "Безнең Җиңү көне" җыр марафонына кушылды

Татарстан Республикасы Алабуга муниципаль районы һәм Алабуга мәдәният һәм сәнгать көллияте "Безнең Җиңү көне" җыр марафонына кушылдылар.

"Алабуга" җыр һәм бию ансамбле солистлары "Җиңү көне" җырын татар телендә башкардылар. Ансамбль җитәкчесе –Татарстан Республикасының атказанган артисты Диләрә Мироваева.

Җыр марафоны 25 апрельдә Идел буе федераль округында старт алды. Анда катнашучылар, эстафетаны бер-берсенә тапшырып, туган телләрендә танылган җыр башкаралар. Акциядә Идел буе федераль округының 14 төбәге катнаша.