Алабуга интернат-мәктәбендә шахмат зонасы ачылды

ТРсы Дәүләт Советының мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова Алабуганың начар ишетүче балалар интернат-мәктәбендә шахмат зонасы ачты.

«Шахмат зоналарын үстерү мәсьәләсе бик актуаль. Мәктәптә шахмат — ул уен гына түгел, үсеш тә. Мондый шартлар тудырылмаган мәктәпләрдә «Бердәм Россия» инициативасы белән, балалар уйнасын, үссен, турнирлар үткәрсен өчен шахмат зоналары булдыру карары кабул ителде», — дип сөйләде Людмила Николаевна шахмат тапшырганда.

Татарстан бердәмроссиялеләре «Бердәм Россия» партиясенең төбәк сәяси советы президиумының милли проектларны гамәлгә ашыру мәсьәләләре буенча комиссиясе эше кысаларында юл карталарын эшләделәр, аның кысаларында ай саен һәр районда «Үсеш ноктасы» цифрлы һәм гуманитар профильләр барлыкка килү программасына эләкмәгән җирле мәктәпләрдә шахмат зоналары булдырылырга тиеш.