Алабуга мөхтәсибәте алабугалыларны иске татар зиратында үтәчәк өмәгә чакыра

«Барлык шәһәр халкын, ял көннәренә туган якларына кайткан якташларыбызны әлеге изге эштә катнашырга чакырабыз. Мәңгелек йортларыбызны чисталыкта, тәртиптә тотыйк. Анда җирләнгән якыннарыбызның рухы шат булсын. Өмәдә катнашырга теләк белдерүчеләргә үзләре белән бензин пычкысы алып килү сорала. Барлык битараф булмаучыларны өмәләрдә катнашырга чакырабыз», — ди Алабуга шәһәр-районы имам-мөхтәсибе Хәлим хәзрәт Шәмсетдинов.

Фото Алабуга мөхтәсибәте сайтыннан алынды.