«Алабуга нуры» һәм «Новая Кама» газеталарына ташлама белән языл һәм бүләк ал

Алар 7 июньдә башланган һәм 17 июньгә кадәр дәвам итәчәк язылу декадасы кысаларында оештырыла. Бу көннәрдә «Алабуга нуры» һәм «Новая Кама» район газеталарына ташлама белән язылып булачак. Әйтик, 2021 елның II яртыеллыгына «Новая Кама»га язылу 768 сум булачак (834 сум урынына), ә «Алабуга нуры» газетасын ярты елга алдыру бәясе - 724 сум (785 сум урынына). 

Шулай итеп, Әбунәче көннәрен үткәрү вакыты: 
— 10 июнь көнне Габдулла Тукай урамы, 27 адресы буенча урнашкан 4 нче почта элемтәсе бүлегендә 14.30дан 16.30 сәгатькә кадәр, 
— 15 июньдә Тынычлык проспекты, 16 адресы буенча урнашкан 3 нче почта элемтәсе бүлегендә шулай ук 14.30дан 16.30 сәгатькә кадәр. 

Гадәттәгечә, Әбунәчеләр көненә килгән һәм газеталарга язылган кешеләрне күңелле сюрприз — лотерея көтә. Лотерея уйнатуда һәркем бүләкле була.

Реклама