Алабуга пединституты студентларының төзү отрядлары ветераннары слетка җыелачак

КФУның Алабуга институтында 29 майда оештырылачак слет Комсомолның 100 еллыгына багышланган чара кысаларында уза. Беренче отряд командиры Наиб Лаисов мактаулы кунак булачак. Бу көнне бирегә пединститутның элекке студентлары — Советлар Союзының төрле почмакларында эшләгән төзү отрядлары ветераннары җыелачак. Гаять зур эш башкарылган: АДПИда укыган студентларның төзү отрядлары тарихы торгызылган, үзара элемтә җайланган. Беренче отрядлар 1958 елда чирәм җирләргә җибәрелгән. Моннан соң институт тарихында 20 отряд булган.