Алабуга пенсионерлары «Өченче яшь» спартакиадасы йомгаклары буенча беренче унлыкка керде.

29 июньдә алабугалыларның «Россия пенсионерлар союзы» җәмәгать оешмасы активистлары «Өченче яшь» XI республика пенсионерлар спартакиадасының финалында катнашты. Ярышлар республикабыз башкаласында — Казанда үтте һәм Бөек Ватан сугышында Җиңүнең 76 еллыгына багышланган иде. 
Спартакиада Татарстан Республикасының муниципаль районнары һәм шәһәр округларыннан 320 пенсионерны берләштерде. 
Финалда катнашу өчен, Алабуга 6 спортчыдан торган җыелма төркем тәкъдим итте. Спартакиаданың шәһәр этабында аларның һәркайсы төрле дисциплина буенча иң яхшы күрсәткечләргә иреште. Алабугалылар өстәл теннисы, йөзү, дартс һәм пуля атышуда ярышты.