Алабуга психоневрология интернаты район җитәкчелегенә рәхмәт белдерә

Алабуга психоневрология интернаты район җитәкчелегенә саклагыч костюмнар һәм битлекләр өчен рәхмәт белдерә.

Коронавирус инфекциясенә каршы көрәш чорында интернат хезмәткәрләре, шулай ук аның яшәүчеләре өчен мондый хәйрия ярдәме бик тә кирәк. Исегезгә төшерәбез, социаль учреждение 27 апрельдән тулы изоляциядә. Хәзер Алабуга психоневрология интернатында 440 пациент һәм 55 хезмәткәр яши. Күрсәтелгән ярдәм хисабына аларның барысы да саклагыч чаралар белән тәэмин ителгән.