Алабугада быел 120 мең чәчәк утырту планлаштырыла

Май аенда Алабугада урамнарны яшелләндерүгә һәм клумбаларны бизәүгә керешәчәкләр. Бу хакта Алабуга районының төзекләндерү һәм яшелләндерү идарәсендә хәбәр иттеләр.

Быел яшелләндерүчеләр шәһәр урамнарында 120 мең чәчәк утыртырга ниятли. Беренче чәчәкләр утырту май башына планлаштырылган.

Традиция буенча бу эшләр Җиңү көненә багышлап, Хәтер мәйданында үткәрелә.

9 майга шәһәрдә 10 меңгә якын чәчәк үсентеләре утыртылачак.