Алабугада электр челтәрләрен үзгәртеп кору дәвам итә

Бүген челтәрле компания зур эш башкара — җир асты коммуникацияләрен кабель канауларына сала. Бу гамәл ике чиратлы: башта Нефтьчеләр проспекты буйлап — Бехтерев музееннан Тугаров урамына кадәр һәм Дурова урамыннан Татарстанның 10 еллыгы урамына хәтле. Беренче өлешен 31 августка, икенчесен 30 ноябрьгә тәмамларга уйлыйлар. 
Үзгәртеп кору барышында югары һәм түбән көчәнешле иске чыбыклар сүтелә. Мәскәү урамында һәм Тынычлык проспектында кабель канауларын салу буенча күләмле эш бара. Аны 2 августка тәмамларга тиешләр.
Шулай ук комплектлы ике трансформатор подстанциясен алыштырачаклар.