Алабугада гаилә көне: пандемия чорында алабугалылар ничек өйләнешә

15 майда Халыкара гаилә көне билгеләп үтелә. Пандемия булуга карамастан, бүген бер пар гаилә корачак. Ә 16 майга инде 5 пар гариза тапшырган. Бу хакта Алабуга Гражданлык хәле актларын теркәү бүлегендә хәбәр иттеләр.

Билгеләп үтик, 12 майдан никахларны теркәү рөхсәт ителә, әмма катнашучылар саны 10га кадәр чикләнгән. Аларның барысы да, шул исәптән кияү һәм кәләш битлек һәм перчаткалар кигән булырга тиеш, дип билгеләп үттеләр ЗАГСта. Акрынлап чикләүләр бетерелә башлач, Алабуга гашыйклары җәйге айларга гаризалар бирә башлады.