Алабугада хәрби-десант гаскәрләре көнен билгеләп үттеләр

«Мәңгелек ут» мемориалында бәйрәм уңаеннан тантаналы митинг узды, анда район башлыгы Рөстәм Нуриев катнашты.

Ул үз чыгышында яшь буында десантчыларга хас булган иң яхшы сыйфаларның дәвамчанлыгы мөһимлеген ссызыклады, дип хәбәр итә АМР матбугат хезмәте.

Бүген шулай ук ремонттан соң «Яшь десантчы» яшьләр клубы ачылды. Менә инде берничә ел рәттән аның җитәкчесе вазифасын отставкадагы офицер Михаил Семенов үти.