Алабугада коронавирус белән авыруның тагын бер очрагы расланган

19 кеше хастаханәгә салынган, 52 кеше өйдә дәвалана (аларда авыруның җиңел яки симптомсыз формасы).

2 очрак читтән кертелгән, 69ы – авырулар белән элемтә нәтиҗәсе.
Алардан: 18 яшькә кадәр – 10, 18дән 30га кадәр – 12, 30дан 50гә кадәр – 23, 50дән 60ка кадәр – 10, 60тан 70кә кадәр – 6, 70тән 80гә кадәр – 6, 80 яшьтән 90 яшькә кадәр – 3, 90 яшьтән өлкәнрәк – 1 очрак.

Covid-19 расланган очраклар саны буенча торак пунктлардан: Казан – 34, Яр Чаллы – 9, Түбән Кама – 7, Лаеш районы – 2, Буа районы – 3, Әлмәт – 1, Алабуга – 1, Лениногорск – 1, Тукай районы – 2, Чүпрәле – 2, Арча – 2, Яшел Үзән – 3, Биектау –1, Кукмара – 1, Балтач – 2.
Барлыгы COVID-19 диагнозы булган пациентлар саны – 1031.

Узган вакыт эчендә 130 кеше (+15) савыккан.

Бүген, 3 майда Республика клиник хастаханәсендә 1944 елда туган казанлы  вафат булды. Пациент стационарга 26 апрельдә салынган, анда үпкәләрнең озакка сузылган обструктив авыруы, йөрәк-кан тамырлары авырулары булган, өстәвенә, бронхиаль астма белән интеккән.

Диагноз экспертиза белән расланган.

Фото: pixabay.com