Алабугада коронавируска каршы прививканы 21 меңнән артык кеше ясаткан

Алабуга районында Covid-19га каршы прививка ясау кампаниясе дәвам итә. Массакүләм вакцинацияне тәмамлау һәм күмәк иммунитет барлыкка китерү өчен безнең район халкының 60 процентына прививка ясатырга кирәк. Бу — Алабуга районында 39 967 кешене вакциналаштырырга кирәк дигән сүз.

17 августка барлыгы 21 657 кешегә прививка ясалган инде, шуларның 16 389ы прививканың икенче компонентын ясаткан, дип хәбәр итә район үзәк хастаханәсенең матбугат хезмәте. 

Вакцинация шәһәрнең 4 прививка пунктында башкарыла:

Поликлиника (Пролетарская ур., 36, 3нче кат, каб.309) 
тел. 4-41-28, эш көннәрендә 8.00-19.00 сәгатьләрдә, шимбә 8.00-13.00 сәгатьләрдә, якшәмбе — ял көне.

Гомуми практика табибы офисы (Нечаев ур., 16а, каб.7) 
тел. 9-61-08, эш көннәрендә 8.00-15.00 сәгатьләрдә, шимбә, якшәмбе — ял көннәре.

3нче табиб амбулаториясе (Городище ур., 3, каб.8) 
тел. 7-91-34, эш көннәрендә 8.00-19.00 сәгатьләрдә, шимбә 8.00-13.00 сәгатьләрдә, якшәмбе — ял көне.

Алабуга үзәк хастаханәсенең травматология пункты (Нефтьчеләр пр., 57, 2нче кат,каб.206), дүшәмбе-шимбә 8.00-10.00 сәгатьләрдә, якшәмбе — ял көне.

Шулай ук авыл җирлекләренә һәм шәһәр оешмаларына чыгуны гамәлгә ашыручы мобиль бригадалар эшли. Халык үз микрорайонында коронавирус инфекциясенә каршы прививка ясатсын өчен, шәһәр буенча прививка пунктлары эшли.

Үзең белән паспорт һәм СНИЛС булу мөһим.