Алабугада Сабантуйга әзерлек эшләре бара

Алабугада ипподромда Сабантуй бәйрәменә әзерлек эшләре бара.

Авыл ишегаллары милли стильдә бизәлә, конкурс өчен мәйданчык әзерләнә, булачак җиңүчеләр өчен колга, бум-качалка һәм җиңүчеләр өчен мактау пьедесталлары куела.

Алабугада сабан бәйрәме 12 июньдә узачак. Бәйрәм 9.00 сәгатьтә башлана. Программада -ат чабышлары, традицион милли уеннар, бәйрәм сәүдәсе, балалар өчен уен мәйданчыгы, аттракционнар, батутлар һәм бәйрәм концерты. Бәйрәмдә Илсөя Бәдретдинова чыгыш ясар дип көтелә.