Алабугада соңгы тәүлектә коронавирус белән авыруның 2 очрагы теркәлгән 

Татарстан Республикасында коронавирус инфекциясе белән авыруның 34 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә.

13 кеше хастаханәләргә озатылган, 21 кеше өйдә дәвалана.
Казанда — 9, Чаллыда — 8, Түбән Камада — 4, Бөгелмәдә — 3, Алабугада — 2 , Әгерҗе, Азнакай, Алексеевск, Арча, Баулы, Лаеш, Менделеевск һәм Тукай районнарында берәр очрак ачыкланган.

4 апрельгә Татарстанда COVID-19 белән авыруның 19 562 очрагы расланган.
Эпидемия башланганнан бирле коронавирус инфекциясе йоктырган 16 597 кеше савыккан, узган тәүлектә — 15 кеше.