«Алабугада җәйге кичәләр» фестивале 15-18 июль көннәрендә узачак

Быел Алабугада өченче тапкыр Борис Березовскийның «Алабугада җәйге кичәләр» Халыкара музыка фестивале узачак. Бу хакта Алабуга дәүләт музей-тыюлыгы сайтында хәбәр ителә. 

Исегезгә төшерәбез, узган ел ул коронавирус инфекциясе таралу сәбәпле үткәрелмәгән иде.

Фестивальне 15, 16, 17, 18 июльдә үткәрү күздә тотыла. Проектның җитәкчесе — РФ атказанган артисты Борис Березовский. 

2019 елда Борис Березовский фестивалендә 46 мең кеше булды.