Алабугалы көрәш буенча дөнья чемпионатында җиңү яулады

24 июньнән 27 июньгә кадәр Казанда көрәш буенча дөнья чемпионаты узды. Алабуганың 2нче спорт мәктәбеннән Илнар Галимов үз үлчәү категориясендә мактаулы беренче урынны алды. Аның остазлары — Россиянең атказанган тренеры Рим Кавиев һәм тренер Илнар Галимов.
Анда 29 илдән (Франция, Германия, Польша,Украина, Таҗикстан, Үзбәкстан һәм башкалар) 260 көрәшче катнашкан. Сүз уңаеннан, узган чемпионатта әлеге мәктәпнең тагын бер укучысы призер булды: Әмирхан Эсенов, ул Төркмәнстан җыелма командасы составында чыгыш ясады һәм үз үлчәү категориясендә мактаулы 2 урынны яулады.

Фото АМР башлыгының матбугат хезмәтеннән алынды