Алабугалы мошенникларга ярты миллион сум акча биргән

Билгесез зат алабугалыга аның картасыннан санкцияләнмәгән рәвештә акча күчерергә теләүләрен, өстәвенә, кредит рәсмиләштерергә омтылуларын хәбәр итә. Аферист зыян күрүчене яңа кредит рәсмиләштерергә һәм алынган кредит акчаларын күрсәтелгән счетка күчерергә кирәклегенә ышандыра. Шалтыратучының күрсәтмәләрен үтәп, алабугалы банкомат ярдәмендә акчаларны мошенник күрсәткән счетка күчерә. Соңрак мошенникларның корбаны булуын аңлап, полициягә мөрәҗәгать итә. Китерелгән зыян суммасы — 500 мең сумнан артык. Әлеге факт буенча Россия Эчке эшләр министрлыгының Алабуга районы буенча бүлегенең тикшерү бүлегендә РФ Җинаять кодексының 159 маддәсенең 3 өлеше буенча («Мошенниклык») җинаять эше кузгатылган.