Алабугалы Муса Җәлил истәлегенә багышланган көрәш турнирында алтын медаль яулады

12-13 февральдә Минзәлә шәһәрендә герой-шагыйрь Муса Җәлил истәлегенә көрәш буенча ачык республика турниры узды. 48нче тапкыр үткәрелгән ярышларда Татарстан Республикасының 48 командасыннан 350 спортчы катнашты.

Алабуга данын ун авырлык категориясендә 10 көрәшче яклады. 90 килограммга кадәр авырлык категориясендә Илнар Галимов иң яхшы нәтиҗәгә иреште. Ул дүрт көндәшен ышанычлы отты һәм турнирның алтын медален яулады.