Алабугалыларны Шишкин буаларын төзекләндерү проектын эшләүдә катнашырга чакыралар

Әлеге проект Россия Федерациясе Президенты Владимир Путин йөкләмәсе буенча оештырылды һәм беренче тапкыр 2018 елда уздырылды.

Алабугалыларны Шишкин буаларын төзекләндерү проектын эшләүдә катнашырга чакыралар. Шишкин буалары белән бәйле якты истәлекләрегез белән уртаклашыгыз, шулай ук әлеге тарихи урын тагын да матуррак, яхшырак булсын өчен ниләр эшләргә мөмкин икәнлеге турында сөйли аласыз.

Видеоязмаларны, текстны, фото яки рәсемнәрне #Шишкинскиепруды тегы белән социаль челтәрләргә куегыз яки түбәндәге адрес буенча электрон почтага җибәрегез: shishkinskyponds_elabuga@mail.ru

Иң яхшы идеяләр проектта исәпкә алыначак. Аларның авторлары истәлекле бүләкләр алачак.