Алабугалының рәсемен чикләнгән санда чыгачак почта открыткаларында күреп булачак

Алабугада яшәүче яшь рәссамның рәсемен чикләнгән санда чыгачак почта открыткаларында күреп булачак.

Алабугадан 19 яшьлек София Хисамиева «Җиңү открыткасы» Бөтенроссия конкурсында өченче урынга лаек булды. Аның рәсеменең нигезе итеп солдат хәтерендә сакланган сугыш күренешләре алынган. 

Конкурста җиңүчеләрнең рәсемнәре чикләнгән санда чыгачак открыткалар сериясенең тышлыгына эләгәчәк.

Конкурсның финалына чыккан авторларга шундый открыткалар тупланмасын Россия почтасы китерәчәк.

Фото: victorymuseum.ru