БАРДЛАР ҖЫЕЛАЧАК
"ВДОХновение" җыр фестивале Спас ярминкәсе барышында 6нчы тапкыр узачак. Бу вакыйга алдыннан шәһәребезнең күренекле шагыйре, югары белем бирүнең мактаулы хезмәткәре Рәхим Гайсин фестивальдә катнашучыларның берсе - танылган автор- башкаручы Дмитрий Бикчәнтәев белән Казанда очрашкан.
Дмитрий Татарстанда туып үскән (1959 елның 29 апрелендә туган), 1980 елда башкалада музыка училищесенда гитара классын тәмамлаган. Концертлар бирә, театр һәм музыка өчен кино яза. Гитарада уйнарга өйрәтүдә ул үз методикасын куллана. Былтыр автор программасы белән бездә Виталий Харисов чыгыш ясаган булса, быел Дмитрий Бикчәнтәев мактаулы кунаклар арасында. Биредә ул 2004 елда булган (Дәүләт Думасы депутаты Олег Морозовны сайлау вакыты). Алабуга педагогия университеты залында чыгыш ясаган. Быел ул шәһәр белән якыннанрак танышырга уйлый. Дмитрий Казан, Таллин, Ижевск, Чиләбе һәм башка шәһәрләрдә үткән бард җырлары фестивальләрендә катнашкан. Аңа яңа кешеләр, очрашулар ошый. Халыкара проектларда катнаша, якын киләчәктә ул Австралия, Яңа Зеландия, Гондураста чыгыш ясарга ниятли.
Следите за самым важным и интересным в Telegram-каналеТатмедиа
Нет комментариев