Дөм-Дөм авылы башлыгы күрсәткән батырлыгы өчен бүләкләнде

"Эшлекле сишәмбе"дә район башлыгы Геннадий Емельянов Тат.Дөм-Дөм авыл җирлеге башлыгы Рафаил Бәдретдиновка Татарстан Республикасының гражданнар оборонасы эше һәм гадәттән тыш хәлләр буенча министрлыкның Мактау кәгазен тапшырды.

Рафаил Нурулла улы актив гражданлык позициясе һәм грамоталы эш-гамәлләр күрсәтүе өчен министрлык тарафыннан билгеләп үтелде. Аның шул сыйфатлары нәтиҗәсендә 2015 елның 28 августында Тат.Дөм-Дөм авылында торак йортларга янгын таралуына юл куелмый кала.