Иң яхшы Яңа ел бизәлешенә конкурс игълан ителде

Алабугада "Яңа ел Алабугасы" дип биналарның алгы ягын Яңа ел бәйрәменә сәнгатьчә бик матур итеп һәм аллы-гөлле утлар белән бизәүгә бәйге игълан ителде. Монда үз шәхси йортын матур итеп бизәүче шәһәр халкы да, предприятиеләр дә, социаль-мәдәни учреждениеләр дә катнаша ала.
Һәркайсы өчен үз номинациясе билгеләнгән. Оештыручылар сүзләренчә, иң мөһиме - үз фантазияңне чикләмәү. Чөнки эшләрнең төп кыйммәте - нәкъ менә аларның үзенчәлекле һәм кабатланмас булуында.
Бәйгегә йомгак Үзәк чыршы бәйрәмендә 31 декабрьдә ясалачак.