Ике меңнән артык татарстанлы короновирустан соң реабилитация үткән

Татарстанда Covid-19 белән авырган ике мең пациент реабилитация үткән. Бу хакта ТР сәламәтлек саклау министрлыгының медицина реабилитациясе буенча штаттан тыш баш белгече Резедә Бодрова хәбәр итте. 
Белгеч сүзләренчә, 1 октябрьгә республиканың 52 дәвалау-профилактика учреждениесеннән сводка алынган. Медицина реабилитациясенең профильле бүлекләрендә 900 кеше дәваланган. Меңнән артык кеше яшәү урыннары янәшәсендәге учреждение базасында тернәкләнү курсы үткән. 
Бодрова әйтүенчә, Петровскидагы «Нехама» санаториясе татарстанлыларга короновирустан соң тернәкләнергә ярдәм итә. Реабилитация мәҗбүри медицина иминияте полисы буенча үткәрелә.