Казан «Хезмәт батырлыгы шәһәре» исеменә лаек

Быел Казан «Хезмәт батырлыгы шәһәре» титулына дәгъва кыла. Казан өчен онлайн-тавыш бирү https://za.kzn.ru/порталында уза. 
Хәзерге вакытта Татарстан башкаласы өчен 70 меңгә якын кеше тавыш биргән. Югары дәрәҗәле затларның күбесе Казанны бу тавыш бирүдә хуплады һәм үз теләктәшлеген белдерде. 
Дәүләт Думасы депутаты Ольга Павлова фикеренчә, Татарстан халкының Бөек Ватан сугышы вакытында батырлыгы халык хәтерендә мәңгегә калачак. Шуңа күрә ул башкала өчен тавыш бирде. 
Бөек Ватан сугышы елларында республикабыз башкаласында 137 предприятие эшләгән, шуларның 70е Советлар Союзының барлык почмакларыннан эвакуацияләнгән. Шулай ук Казанга СССР медикларының күпчелеге килгән һәм 45 госпиталь ачылган.