Машина йөртүчеләргә көн режимын үтәргә киңәш итәләр

Руль артында тугыз сәгатьтән артык булу автобус һәм йөк автомобильләре йөртүчеләр өчен хокук бозу булып санала.

Дамир Бикмөхәммәтов хезмәт һәм ял режимын үтәргә киңәш итә, чөнки нәкъ менә арыганлык аркасында юл-транспорт һәлакәтләре килеп чыга, алар фаҗигале тәмамлана.

Спикер “Татар-информ” журналистларына 26 майда булган юл-транспорт һәлакәте турында сөйләде: йөк машинасы йөртүчесе руль артында йоклап киткән. Нәтиҗәдә, тирә-юньдәгеләр, шул исәптән биш транспорт чарасы зыян күргән. Үлүчеләр дә бар.

Профессор Эдуард Якупов, арыганлык һәм хәл бетү сизелә икән, 15әр минут булса да йокларга киңәш итә.