Менделевич: халыкның психик сәламәтлеген саклап калу буенча проект кирәк 

Халыкның психик сәламәтлеген саклау өчен федераль проект булдыру мөһим. Татарстаннан Дәүләт Думасы депутаты Борис Менделевич шундый фикер белдерде.
Депутат сүзләренчә, пандемия шартларында мондый проект аеруча зур әһәмияткә ия. 
«Демография» милли проекты турында сөйләшкәндә, эшче халыкта һәм өлкән яшьтәгеләрдә стрессның бик югары дәрәҗәдә булуын күз алдында тотарга кирәк. 
Менделевич әйтүенчә, Бөтендөнья сәламәтлек саклау оешмасы мәгьлүматлары буенча, дөньядагы чирләрнең 50 проценты психосоматик бозылулар нәтиҗәсе.