Миңнеханов: РФ Хөкүмәте пандемия вакытында яхшы эшләде

РФ Хөкүмәте пандемия белән бәйле проблемаларны тиз һәм нәтиҗәле хәл итә. Бу турыда Татарстан Республикасы Президенты Рөстәм Миңнеханов матбугат конференциясендә сөйләде. 

Медикаментлар һәм җиһаз буенча, урта һәм кече бизнеска ярдәм буенча карарлар тиз арада кабул ителмәгән булса, катастрофа күләме берничә мәртәбә зуррак булган булыр иде, дип ассызыклады Президент. 

Ирешелгән тигезлектә Хөкүмәт Рәисе Михаил Мишустинның өлеше бик зур. Аның мәсьәләне хәл итү ысулларын һәм кабул иткән карарларын Президент системалы дип атады.