“Аэрофлот” компаниясенең татар әдәбияты классигы Муса Җәлил хөрмәтенә аталган лайнеры бүген Мәскәүнең “Шереметьево” аэропортыннан әлеге исем бирелгәннән соң беренче мәртәбә рейска китте. Бу хакта Инстаграм социаль челтәрендә “Яңа гасыр” теле-радиокомпаниясенең федераль һәм Мәскәү хакимият органнары белән хезмәттәшлек итү буенча генераль директор урынбасары Динә Газалиева хәбәр итә. 

Динә Газалиева шулай ук самолетның Советлар Союзы Герое исеме белән аталуын “Җиңүнең 75 еллыгына һәм ТАССРның 100 еллыгына менә дигән бүләк” дип атады.