Олы Шүрнәк авыл китапханәсе төбәкара акциягә кушылды

Олы Шүрнәк авыл китапханәсе «Җәлилне төрле телләрдә укыйбыз » дип исемләнгән төбәкара акциягә кушылды. Акциядә Олы Шүрнәк урта мәктәбе укучылары катнашты. Китапханәче Фәридә Данилова «Муса Җәлил — безнең йөрәкләрдә» дип исемләнгән китап күргәзмәсенә күзәтү үткәрде. 

Чарада балалар Советлар Союзы Герое Муса Җәлил биографиясе турында видеоролик карадылар. Камилла Соловьева, Денис Крутиков, татар теле һәм әдәбияты укытучысы Ландыш Хәйдәр кызы Галиева, китапханәче Фәридә Минир кызы Данилова шигырьләрне сәнгатьле итеп укыды.