Пенсионерларга ун мең сум акча 1 сентябрьдән түләнә башлый

Россия Пенсия фондында искәртүләренчә, кайбер очракларда бу түләү соңрак та күчерелергә мөмкин.

Пенсионерларга ун мең сум күләмендә өстәмә түләү бирү тәкъдиме белән президент Владимир Путин чыгыш ясады. Бу ярдәмне якынча 43 миллион россияле алачак. Акчаны барлык пенсионерларга да бирәчәкләр — эшләмәүчеләргә дә, эшләүчеләргә дә. Шул ук вакытта, түләүне алу өчен бернинди гаризалар да бирергә кирәкми — барлык кәгазьләрне Пенсия фонды әзерләячәк.
Чыганак