Рамазан ае – айларның иң изгесе

Рамазан ае мөселманнарда иң күркәм ай булып тора. Бу вакытта һәр мөселман ураза тотып, догалар укып һәм игелекле гамәлләр кылып, Аллаһының ризалыгын алырга омтыла.

Бүген иң изге һәм мөбарәк айларның берсе – Рамазан башланып китте. Бу ай 24 майга кадәр дәвам итәчәк. Ягъни 23 май изге айның соңгы көне булып, 24ендә Гает бәйрәме билгеләп үтелә.

Аллаһы Тәгалә тоткан уразалырыбызны кабул кылып, эшләгән изгелекләребезнең әҗер-савапларын күрергә насыйп итсен.