Рөстәм Миңнеханов күп балалы өч ананы бүләкләде

Татарстан Президенты Апас, Кукмара һәм Тәтеш районнарыннан күп балалы өч гаиләгә бүләкләр тапшыру турындагы указга кул куйды. Аларга “Ана даны – Материнская слава” медальләрен тапшыру турында Карар кабул ителде. Бу хакта “Татар-информ” мәгълүмат агентлыгы хәбәр итә.

Мондый медальләргә биш һәм аннан да күбрәк баласы булган аналар лаек була. Беренче тапкыр медаль 1999 елда бирелгән.