Сугыш чоры хатлары

Хәзерге вакытта сугыш чорындагы 65 хатның күчермәсе ТР Милли архивына җибәрелгән. Хатлар электрон рәвештә архив порталында урнашачак.

- Бөек Ватан сугышында катнашучы туганнары истәлеген мәңгеләштерергә теләге булган һәркем бу акциядә катнаша ала. Моның өчен гаиләдә сакланып калган сугыш хатларын архив бүлегенә, Хәтер музеена, Үзәк китапханәгә тапшырырга кирәк. Кирәкле мәгълүмәтне 3-03-45 телефоны буенча белергә мөмкин, - ди райбашкарма комитеты җитәкчесенең социаль мәсьәләләр буенча урынбасары Людмила Рыбакова.

Кемдә истәлекләр, фоторәсемнәр, документлар сакланып калган, үз тарихларын ирекле бастыра ала. Архив эше буенча ТР Дәүләт комитеты сугыш чоры хатларын укуга мөмкинлек ачты.