Татарстанда авыл кешеләренә үсентеләр һәм орлык өчен 10 миллион сум бүлеп бирелгән

Татарстан Республикасы Президенты тарафыннан Татарстан Республикасы Авыл хуҗалыгы һәм азык-төлек министрлыгы инициативасы буенча авыл халкына яшелчә культуралары орлыкларын сату программасына 10 млн.сум бүлеп бирү турында карар кабул ителде.

Шулай итеп, татарстанлыларга 30 тонна суган, 1 тонна кишер орлыгы, 600 кг азык чөгендере орлыгы, шулай ук кәбестә үсентеләре таратылачак.

Орлыклар ТР районнарына шәхси ярдәмче хуҗалыклар арасында алга таба бүлү өчен тапшырылган инде. Үсентеләрнең май аенда килүе көтелә.