Татарстан иҗтимагый палатасы төзәтмәләр буенча тавыш бирү участокларына 16,5 мең күзәтүче җибәргән

Татарстан иҗтимагый палатасы төзәтмәләр буенча тавыш бирү участокларына 16,5 мең күзәтүче җибәргән. Бу хакта ТР Иҗтимагый палатасы рәисе Зилә Вәлиева хәбәр итте.
Аның әйтүенчә, күзәтүчеләр 25 июньнән эшли башлаган. Бүген участокларда алты-җиде кеше эшли. Башка көннәрдә аларның саны ике-өч булган. Бүген сайлау участокларында башка көннәргә караганда күбрәк күзәтүчеләр утыра. 
Алабугада сайлаучылар өчен — 39, ә районда 23 участок үз ишекләрен ачты. Тавыш бирү өчен участоклар cәгать 20.00гә кадәр эшләячәк.