Татарстан штрафстоянкаларында иң күбе кыйммәтле чит ил машиналары тора

Россия Федераль салым хезмәтенең ТР буенча идарәсе җитәкчесе урынбасары Олеся Кузьмина сөйләгәнчә, бурычлыларның күпчелеге — 25 яшьтән алып 65 яшькә кадәрге эшкә сәләтле кешеләр, һәм күпчелек өлеше — транспорт чаралары хуҗалары.
Шуңа күрә салымчылар суд приставлары белән даими рәвештә бурычлыларны тоткарлау буенча рейдлар үткәрә.
Ел башыннан Татарстан юлларында 144 бурычлы автомобиль ачыкланган һәм тоткарланган. Аларның бурычы 4 миллион сумнан артып китә. Бүгенге көндә бурычның 72 проценты түләнгән.
Штрафстоянкаларда, нигездә, кыйммәтле чит ил машиналары гына. 16 автомобильнең өчесе генә үз илебездә җитештерелгән.