Татарстан юлларында көчле бозлавык

Иртәгә Татарстанда һава шартлары сизелерлек начарланачак.
ТР Гидро метеорология һәм әйләнә-тирә мохитне күзәтү идарәсе мәгълүматларына караганда, 4 декабрьдә төнлә һәм көндез республикада томан булуы көтелә. Синоптиклар фаразларына караганда, иртән һәм көндез көньяк-көнбатыш районнардан башлап юеш кар явуы, урыны белән буран булуы көтелә.
Төнлә температура 3-8 градус салкын, урыны белән 11 градус та булырга мөмкин, ә көндез температура 3 градус салкын, кичен урыны белән 2 градуска кадәр җылы булачак. Юлларда көчле бозлавык, урыны белән кар көртләре булуы көтелә.

"Татар-информ" МА