Татарстан үзизоляция режимына кире кайтырга планлаштырмый

Татарстанда яңа коронавирус инфекциясе аркасында кырыс чикләүләргә һәм үзизоляция режимына кайтуга сәбәпләр юк. Бу хакта Татарстан буенча Кулланучы хокукларын яклау һәм кеше иминлеге өлкәсендә күзәтчелек федераль хезмәте идарәсе башлыгы Марина Патяшина хәбәр итте.
Аның сүзләренә караганда, авыруның күпләп, төркем-төркем таралуы күзәтелми.
«Шуңа күрә, бүген 22, 31 авыру — әллә ни күп түгел, бу үзизоляция һәм чикләүләр режимына керү өчен нигез бирми», — диде спикер. 
Марина Патяшина хәбәр иткәнчә, авырып китүчеләр арасында даими рәвештә битлек киеп йөрүчеләр аз. Шуңа күрә бу профилактика ысулларының нәтиҗәле булуын күрсәтә.