Татарстанда 31 кеше коронавирус йоктырган 

Яңа вирус йоктырган 9 кеше хастаханәгә озатылган, 22 кеше өйдә дәвалана.

Казанда — 18, Яшел Үзәндә — 4, Чаллыда — 2, Алексеевск, Әлки, Буа, Биектау, Чүпрәле, Лаеш һәм Чистай районнарында берешәр кеше йоктырган.

14 апрельгә алынган мәгълүматлар буенча, Татарстанда барлыгы COVID-19 белән авыруның 19 899 очрагы теркәлгән.

Пандемия башланганнан бирле коронавирус инфекциясе йоктырган 17 011 кеше савыккан, узган тәүлектә — 38 кеше.

Спутник-V вакцинасы белән 182 438 кешегә прививка ясалган (тәүлегенә 4 022 кешегә арткан). Шуларның 107 184е прививканың икенче дозасын ясаткан. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.