Татарстанда 31 кешенең COVID-19 йоктыруы ачыкланган

Яңа вирус йоктырган 14 кеше хастаханәгә озатылган, 17 кеше өйдә дәвалана. 
Казанда — 7, Лениногорск районында — 7, Чаллыда — 5, Түбән Камада — 2, Азнакай, Әлки, Бөгелмә, Югары Ослан, Лаеш, Менделеевск, Минзәлә, Мөслим, Тукай районнарында берешәр кеше әлеге инфекцияне йоктырган.
22 майга алынган мәгълүматлар буенча, Татарстанда барлыгы COVID-19 белән авыруның 21 201 очрагы теркәлгән. 
Пандемия башланганнан бирле коронавирус инфекциясе йоктырган 18 170 кеше савыккан, узган тәүлектә — 74 кеше.
Барлыгы 321 574 кешегә прививка ясалган. Шулардан 225 368 кеше прививканың икенче дозасын ясаткан.