Татарстанда 38 класс ОРВИ буенча карантинга ябылган

Татарстанда респиратор авырулар сәбәпле, 38 класс өйдән укый. Бу хакта ТР Роспотребнадзор Идарәсе җитәкчесе урынбасары Любовь Авдонина хәбәр итте. 
Җитәкче сүзләренчә, бүгенге көндә 942 укучы өйдә укырга мәҗбүр. Казан мәктәпләренең 33 сыйныфы, Югары Осланда дүрт, Лениногорск районында бер класс дистанцион белем ала.
Искәртик, класстагы укучыларның 20 проценттан артыгы дәресләргә килмәгән очракта, класс өйдән укуга күчерелә.