Татарстанда беренче яшь гаилә «Президент» социаль ипотекасы буенча торак алуны рәсмиләштергән

Татарстанда беренче яшь гаилә яңа шартларда социаль ипотека программасы буенча торак алуга теркәлү узган. Бу хакта Рөстәм Миңнеханов Бөгелмә районында узган яшь гаиләләр белән очрашуда хәбәр иткән. 
ТР Президенты сүзләренчә, әлеге программа яшь гаиләләр өчен мөһим. Исегезгә төшерәбез, элегрәк программада республиканың барлык яшь гаиләләре катнаша ала дигән карар кабул ителгән иде. Моңа кадәр ул бары тик бюджет өлкәсендә эшләүчеләр өчен генә эшләде. 
Яшь гаиләләр торакны 28,5 елга сатып ала алачак.