Татарстанда COVID-авырулар белән аралашкан кешеләр тест ясамыйча изоляциядән китә ала

Короновирус йоктырган пациентлар белән аралашкан кешеләргә 14 көнлек изоляциядән соң Covid-19 вирусына ПЦР-тест тапшырырга кирәкми. Бу хакта ТР буенча Роспотребнадзор идарәсе җитәкчесе урынбасары Любовь Авдонина хәбәр итте. 
Моңа кадәр тестны авырулар белән аралашкан һәр кешегә тапшыру мәҗбүри иде. Хәзер тестны авыру билгеләре булган очракта гына ясыйлар. 
14 көн дәвамында авыру билгеләре булмаса, изоляциядән чыгарга ярый, дип аңлатты Авдонина.