Татарстанда иртәгә яшенле кыска вакытлы яңгыр яварга мөмкин

Төнлә урыны белән, көндез күпчелек районнарда кыска вакытлы яңгырлар явачак. Кич яшен булуы ихтимал Көньяк-көнчыгыштан уртача тизлектә, урыны белән 15-20 метр тизлектә көчле җил исәчәк. Төнлә +11..+16˚, көнбатыш районнарда +21˚, көндез +20..+25˚, көнчыгыш районнарда +27..+32˚ градус.

Үсеш алучы ай, ай чаян йолдызлыгында.

Туфракны сукаларга, түтәлләр әзерләргә, агач һәм куак төпләренә компост чәчәргә була. Теплица һәм парниклардагы туфракны алып бетерергә, чистартырга кирәк. Теләсә нинди үсемлекләрне күчереп утырту өчен уңай көн.