Татарстанда коронавирус инфекциясе белән зарарлануның 25 яңа очрагы ачыкланган

Татарстан Республикасында коронавирус инфекциясе белән зарарлануның 25 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә. 
3 кеше хастаханәләргә озатылган, 22 кеше өйдә дәвалана. Авыручыларның төп яшь төркемнәре түбәндәгечә: 18 яшькә кадәр — 1 очрак, 18дән 30 яшькә кадәр — 4, 30дан 50 яшькә кадәр — 12 очрак, 50дән 60 яшькә кадәр — 2 очрак, 60тан 70 яшькә кадәр — 4 очрак, 70тән 80 яшькә кадәр 2 очрак ачыкланган.
Казанда 19 кеше коронавирус йоктырган. Буа һәм Түбән Кама районнарында 2шәр очрак ачыкланган. Югары Ослан, Питрәч районнарында берәр очрак теркәлгән.
6 сентябрьгә Татарстанда COVID-19 белән авыруның 6694 очрагы теркәлгән. Эпидемия башланганнан бирле коронавирус расланган 5532 кеше савыккан, узган тәүлектә — 20 кеше.
фото: pixabay.com