Татарстанда короновирустан тагын бер кеше үлгән 

Пандемия башланганнан бирле бүгенге көнгә 132 үлем очрагы теркәлгән.
1962 елгы хатын-кыз яңа вирус нәтиҗәсендә барлыкка килгән үпкә ялкынсынуы диагнозы белән хастаханәгә китерелә. Авыруның хәле хроник чирләр сәбәпле катлаулана.
Үлем сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.
Туганнары һәм якыннарының кайгысын уртаклашабыз.
Пандемия башланганнан бирле 23 ноябрьгә COVID-19дан 132 үлем очрагы теркәлгән.