Татарстанда өлкән яшьтәге кешеләргә ярдәм күрсәтү акциясе дәвам итә

Татарстанда өлкән яшьтәге кешеләргә продуктларны бушлай китерү буенча «Без бергә» гомумрәсәй акция яңадан эшли башлады. Бу турыда «Волонтеры-медики» Рәсәйкүләм хәрәкәтенең Татарстан региональ бүлекчәсе җитәкчесе һәм волонтерлык штабы җитәкчесе Анна Макарова хәбәр итте. 
Җитәкче сүзләренчә, заявкаларны һәркем бирә ала. Шулай да риск төркеменә керүчеләр — игьтибар үзәгендә. Волонтерлар өйгә азык-төлек һәм дару китерә. 
Заявкалар 8 (800) 200-34-11 кайнар линия номеры буенча кабул ителә. Өч көн эчендә заявка штабка килә. Волонтер-медиклар заяка бирүче белән элемтәгә керә, ниләр алып килергә кирәклеген ачыклый.