Татарстанда соңгы тәүлектә 32 кеше COVID-19 йоктырган

Казанда — 11, Чаллыда — 12, Лениногорск районында — 4, Лаешта — 2, Аксубай, Әлмәт, Биектау районнарында берешәр кеше әлеге инфекцияне йоктырган.
28 майга алынган мәгълүматлар буенча, Татарстанда барлыгы COVID-19 белән авыруның 21 392 очрагы теркәлгән.
Пандемия башланганнан бирле коронавирус инфекциясе йоктырган 18 344 кеше савыккан, узган тәүлектә — 41 кеше.
Барлыгы 348 038 кешегә прививка ясалган. Шулардан 243 658 кеше прививканың икенче дозасын ясаткан.